રાઘવ ચઢ્ઢાનો રાજકીય સ્ટંટ, ગુજરાત સરકાર પર કર્યા અનેક ખોટા દાવા

AAPના રાજ્યસભા સાંસદ અને ગુજરાતના સહ-પ્રભારી રાઘવ ચઢ્ઢાએ 11 ઓક્ટોબર, 2022ના રોજ ગુજરાતમાં એક પ્રેસ કોન્ફરન્સમાં દાવો કર્યો હતો કે છેલ્લા 27 વર્ષમાં રાજ્યની ભાજપ સરકારે અમરેલીમાં એક પણ હાઈસ્કૂલ, કોલેજ, સિવિલ હોસ્પિટલ બનાવી નથી. આ જ પત્રકાર પરિષદમાં તેમણે જિલ્લામાં ઉદ્યોગોની ગેરહાજરી અને વધતી જતી બેરોજગારી અંગે પણ વાત કરી હતી અને ભાજપના શાસનમાં અમરેલીના વિકાસ માટે કશું જ કરવામાં આવ્યું ન હોવાનું દર્શાવવાનો પ્રયાસ કર્યો હતો.

ફેક્ટ ચેક

રાઘવ ચઢ્ઢાના દાવાની તપાસ કરતી વખતે, અમે સૌ પ્રથમ અમરેલીની શાળાઓ વિશે માહિતી એકઠી કરી. આ દરમિયાન, અમને શાળા શોધ વેબસાઇટ STUDYAPT પર જિલ્લામાં હાલમાં ચાલી રહેલી સરકારી શાળાઓ વિશે માહિતી મળી, જે મુજબ ભાજપના 27 વર્ષના શાસન દરમિયાન ઘણી સરકારી શાળાઓ બનાવવામાં આવી છે. ઉદાહરણ તરીકે, અમે અહીં 4 સરકારી શાળાઓની માહિતી જોડી છે:

એ જ રીતે, જ્યારે અમે જિલ્લામાં તાજેતરમાં સ્થપાયેલી સિવિલ હોસ્પિટલો વિશે પૂછપરછ કરી, ત્યારે અમને 7.25 કરોડના ખર્ચે બનેલી 150 બેડની હોસ્પિટલના ઉદ્ઘાટન અંગે દેશ ગુજરાત દ્વારા 2017માં પ્રકાશિત કરાયેલા સમાચાર મળ્યા. વધુ તપાસ દરમિયાન, અમને કેન્દ્રીય મંત્રી મનસુખ માંડવિયાનું ઓક્ટોબર 2017નું એક ટ્વીટ મળ્યું જેમાં તેમણે સાવરકુંડલા, અમરેલી ખાતે કે.કે.મહેતા સરકારી હોસ્પિટલના ઉદ્ઘાટન વિશે માહિતી શેર કરી હતી.

ઉદ્યોગ અને બેરોજગારી વિશે કરવામાં આવેલા દાવાઓની વધુ તપાસ કરવા માટે, અમે ઇન્ટરનેટ પર સંબંધિત કીવર્ડ્સ સર્ચ કર્યા. આ દરમિયાન અમને અમરેલી જિલ્લાની સંક્ષિપ્ત ઔદ્યોગિક રૂપરેખા મળી જેમાં અત્યાર સુધી સ્થપાયેલા તમામ પ્રકારના ઉદ્યોગોની વિગતો હતી.

પ્રેસ કોન્ફરન્સમાં રાઘવ ચઢ્ઢા કે જેઓ પોતે CA છે તેમણે એવો પણ દાવો કર્યો હતો કે ગુજરાત પર 3.5 લાખ કરોડ રૂપિયાનું દેવું છે અને અહીંની વસ્તી 6.5 કરોડ છે, તો આ હિસાબે ગુજરાત પર વ્યક્તિ દીઠ 58,000 કરોડ રૂપિયાનું દેવું છે.

જો કે, ચઢ્ઢાના નિવેદનમાં ગાણિતિક જ્ઞાનની સમાજનો અભાવ દર્શાવવામાં આવ્યો હતો કારણ કે જો તેમના દાવા પ્રમાણે ગણતરી કરવામાં આવે તો. ગુજરાતનું માથાદીઠ દેવું રૂ. 53846 થાય.

તમામ બિંદુઓનું નિરીક્ષણ કરીયે તો એ વાત સ્પષ્ટ થાય છે કે રાઘવ ચઢ્ઢા દ્વારા કરવામાં આવેલા બધા જ દાવાઓ તદ્દન ખોટા છે અને તેમના આ નિવેદનથી સામાન્ય જનતાને ગેરમારગે દોરવાનો પ્રયાસ કરાયો છે.

દાવો	છેલ્લા 27 વર્ષમાં રાજ્યની ભાજપ સરકારે અમરેલીમાં એક પણ હાઈસ્કૂલ, કોલેજ, સિવિલ હોસ્પિટલ બનાવી નથી
દાવો કરનાર	AAPના રાજ્યસભા સાંસદ અને ગુજરાતના સહ-પ્રભારી રાઘવ ચઢ્ઢા
તથ્ય	રાઘવ ચઢ્ઢા દ્વારા કરવામાં આવેલા બધા જ દાવાઓ તદ્દન ખોટા છે અને તેમના આ નિવેદનથી સામાન્ય જનતાને ભ્રમિત કરવાનો પ્રયાસ કરાયો છે.

ઓન્લી ફેક્ટ ટીમનો ધ્યેય તેના વાચકોને ગેરમાર્ગે દોરવાથી બચાવવા માટે અધિકૃત સમાચાર તથ્યો પ્રદાન કરવા અને ખોટી માહિતીને દૂર કરવાનો છે.

વાંચક મિત્રો, અમે ભારત વિરુદ્ધ ફેલાતા ખોટા સમાચારોને પર્દાફાશ કરવાનું કામ કરીએ છીએ. અમારી પાસે બીજાની માફક કોઈ પ્રકારનું કોર્પોરેટ ફંડ નથી. તમારો નજીવો સહકાર પણ અમને આગળ વધવામાં મદદરૂપ નીવડશે.

આપનો શક્ય સહકાર અમને આપો.

જય હિંદ.