આગામી ગુજરાત વિધાનસભાની ચૂંટણી વચ્ચે 16 નવેમ્બર, 2022 ના રોજ, દિલ્હીના સીએમ અરવિંદ કેજરીવાલ, મનીષ સિસોદિયા અને ફેક ન્યૂઝ પેડલર નરેશ બાલ્યાન સહિત આમ આદમી પાર્ટીના ઘણા નેતાઓએ ટ્વીટમાં દાવો કર્યો હતો કે સુરતના AAP ઉમેદવાર કંચન જરીવાલા અને તેમના પરિવારનું ભાજપના ગુંડાઓ દ્વારા અપહરણ કરવામાં આવ્યું હતું. નામાંકન યાદીમાંથી તેમનું નામ પાછું ખેંચવા માટે ભાજપ દ્વારા તેમના પર દબાણ કરવામાં આવી રહ્યું હતું.
ફેક્ટ ચેક
અમારા સંશોધનમાં, કીવર્ડ સર્ચનો ઉપયોગ કરીને “AAP ઉમેદવાર કંચન જરીવાલાનું બીજેપીના ગુંડાઓ દ્વારા અપહરણ કરવામાં આવ્યું,” સર્ચ કરતાં અમને ANI તરફથી એક વીડિયો મળ્યો. વીડિયોમાં ભાજપ દ્વારા કથિત રીતે અપહરણ કરાયેલ AAP ઉમેદવાર ચૂંટણી કાર્યાલય પર સુરત પૂર્વ ચૂંટણીમાંથી પોતાનું નામ પાછું ખેંચતા જોવા મળે છે.
અન્ય એક વિડિયોમાં કંચન રિટર્નિંગ ઓફિસરની સામે જ ઉભા છે અને તેને કહેતા સંભળાય છે કે તે કોઈપણ દબાણ વગર પોતાનું નોમિનેશન પાછું લઈ રહ્યાં છે.
વધુમાં, અમે શોધી કાઢ્યું કે નામાંકન સૂચિમાંથી તેમનું નામ પાછું ખેંચ્યા પછી, કંચન જરીવાલાએ તેમની પોતાની પાર્ટી પર પ્રહારો કર્યા. તેમણે AAP નેતાઓના દાવાને રદિયો આપ્યો હતો કે ભાજપ દ્વારા તેમનું અપહરણ કરવામાં આવ્યું નહોતું અને તેમનું નામ પાછું ખેંચવાની ફરજ પાડવામાં આવી નહોતી, અને રાજીનામું આપવાનું કારણ દર્શાવ્યું હતું કે પૂર્વ સુરતમાં તેમના પોતાના પક્ષના કાર્યકરોએ તેમની પાસેથી પૈસાની માંગણી કરી હતી અને તેમની પાસે રૂ. 80 લાખથી રૂ. 1 કરોડ ખર્ચવા માટે નાણાંકીય સાધનોનો અભાવ છે. પાર્ટી તેમના પર ઘણું દબાણ કરી રહી હતી, અને તેમને હેરાન કરવામાં આવી રહ્યા હતા. તેથી તેમણે પોતાનું નામ પાછું ખેંચવાનો નિર્ણય કર્યો.
જરીવાલાએ એમ પણ કહ્યું કે ભારતીય જનતા પાર્ટીએ તેમનું અપહરણ કર્યું નથી, અને તેઓ તેમના પુત્રના મિત્રો સાથે ચાલ્યા ગયા હતા.
કંચન જરીવાલાએ કોઈપણ દબાણ હેઠળ આવ્યા વિના સ્વેચ્છાએ નામાંકન યાદીમાંથી પોતાનું નામ પાછું ખેંચ્યું હતું. AAPના ટોચના નેતાઓના આક્ષેપો સહિત સમગ્ર નાટક, ભાજપ દ્વારા તેમનું અપહરણ કરવામાં આવ્યું હતું અને દબાણ કરવામાં આવ્યું હતું, તે તેમના પોતાના પક્ષની ભૂલને ઢાંકીને ભાજપને નકારાત્મક રીતે દર્શાવવા માટે એક સોશિયલ મીડિયામાં ઘડેલ કાવતરું હતું. કંચને આરોપોને નકારી કાઢ્યા પછી પણ આપના નેતાઓએ તેમની ટ્વીટ હટાવી ન હતી.
| દાવો | બીજેપીએ કંચન જરીવાલાને અપહરણ કરીને નામાંકન યાદીમાંથી તેમનું નામ પાછું ખેંચવા દબાણ કર્યું હતું |
| દાવો કરનાર | અરવિંદ કેજરીવાલ, મનીષ સિસોદિયા અને નરેશ બાલ્યાન |
| તથ્ય | ભ્રામક |
ઓન્લી ફેક્ટ ટીમનો ધ્યેય તેના વાચકોને ગેરમાર્ગે દોરવાથી બચાવવા માટે અધિકૃત સમાચાર તથ્યો પ્રદાન કરવા અને ખોટી માહિતીને દૂર કરવાનો છે.
વાંચક મિત્રો, અમે ભારત વિરુદ્ધ ફેલાતા ખોટા સમાચારોને પર્દાફાશ કરવાનું કામ કરીએ છીએ. અમારી પાસે બીજાની માફક કોઈ પ્રકારનું કોર્પોરેટ ફંડ નથી. તમારો નજીવો સહકાર પણ અમને આગળ વધવામાં મદદરૂપ નીવડશે.
આપનો શક્ય સહકાર અમને આપો UPI ID – vgajera@ybl
જય હિંદ.
